Шымкент қаласының полиция департаменті танымал медиа саласының өкілі мектеп қызметкерлерін бопсалады деген күдікпен қылмыстық іс қозғады. Күдікті «жағымсыз ақпаратты жариялаймын» деп қорқытып, 1,2 миллион теңге талап еткен. Бұл туралы SunqarNews.com ақпарат агенттігі хабарлады.
Полицияның мәлімдеуінше, қазір қажетті тергеу шаралары жүргізіліп жатыр. Күдікті уақытша ұстау изоляторына қамалды. Ведомство кез келген бопсалау, қорқыту әрекеттері қылмыстық жауапкершілікке тартылатынын еске салады және азаматтарды осындай жағдайларда құқық қорғау органдарына жүгінуге шақырады.
Айта кетейік, бұған дейін Шымкентте жастар орталығының басшысы әлеуметтік желідегі жазбаға лайк баспаған қызметкерлерді жазалағаны хабарланған еді.
