Ертіс өзенінде су деңгейінің көтерілуіне байланысты іздеу-құтқару жұмыстары уақытша тоқтатылды. Бұл туралы SunqarNews.com ақпарат агенттігі хабарлады.
Өңірлік төтенше жағдайлар департаменті хабарлағандай, Тереңкөл ауданының Береговое ауылында іздестіру жұмыстары 10 күн бойы екі бағытта өткізілді. Құтқарушылар эхолоттар қолданып, өзен түбін жіті тексерді. Барлығы 240 км ұзындығындағы Ертіс өзенінің жағалау аумақтары тексерілді. Іздеу барысында аралдар, таяз жерлер, шөгінділер, суға құлаған ағаштарға ерекше назар аударылды. Сондай-ақ, 43 рет сүңгуірлік жұмыс жүргізіліп, 3 800 шаршы метрден астам аймақ зерттелді. Абай облысының құтқарушылары да тартылды. Табиғат қорғау мақсатында су деңгейінің көтерілуі мен судың лайлануы іздеу шараларына кедергі келтіруде.
Айта кетейік, Ертіс өзенінде ер адам баржадан секіріп, суға батып кетті.
