«Шыңға өрлеу» әлеуметтік клубтары жобасын іске асырушы «Асыл дария» АҚ Алатау 2 бөлімінде композитор Шәмші Қалдаяқовтың шығармашылығына арналған іс-шара өткізді.
Іс-шараның мақсаты — композитор мұрасын өскелең ұрпаққа насихаттау.
Іс-шара тәлім алушылардың ата-аналарының және қазақ өнері мен әдебиетінің танымал тұлғаларының қатысуымен ұйымдастырылды.
Іс-шара Аталар мен Әкелер ( «Ақ сұңқарым») және Әжелер мен Аналар (“Әнім сен едің”) командаларының үш кезеңдік өнер сайысына негізделді.
Командалар пианинода ойналған әуеннен Шәмші әнінің атауын тауып, келесі кезеңде Шәмші шығармашылығына қатысты сұрақтарға жауап беріп, соңғы кезеңде бір жолы айтылған әндерді Іле жалғастырып жарысқа түсті.
Белгілі әнші Жоламан Құжиманов композитор өмірі мен шығармашылығына тоқталып, тәлім алушылардың жас ерекшелігіне лайықтап мәліметтер меңгертті.
Командалар жарысына қазылық етушілерді қазақтың танымал ақын қызы — Шәмшия Жұбатова басқарды.
Мұнда Шәмші әуені асқақтап, жеке және топтық орындауларда шырқалды.
Іс-шара балақайларға тамаша көңіл-күй, жағымды әсер сыйлады.
