Ақтөбе облыстық полиция департаментінің Есірткі қылмысына қарсы іс-қимыл басқармасы екі тұрғынды ұстады. Бұл туралы SunqarNews.com ақпарат агенттігі хабарлады. Ұсталғандардың пәтерлерін тінту барысында полицейлер мыңнан астам дәрігердің рецептімен сатылатын дәрі-дәрмектер мен психотропты заттарды анықтады. Сондай-ақ, олардан айтарлықтай көлемде ақша тәркіленді. Тергеу барысында күдіктілердің аталған дәрі-дәрмектерді есірткіге тәуелді адамдарға заңсыз сатқандығы белгілі болды. Сараптама олардың ұсталған уақытта есірткі әсерінде болғанын анықтады. Құқық бұзушыларға қатысты әкімшілік хаттама толтырылды.
Сонымен қатар, Ақтөбе қаласында әлеуметтік желілерде қару кезеніп түсірілген суретті жүктеген бір топ жасөспірім анықталды. Полиция олардың ісін назарға алды.
