Челябинск қаласында орналасқан «Рифей» олимпиадалық резерв спорт мектебінде беделді ат жарысы ұйымдастырылды. Бұл жарыста елордалық спортшылардың жоғары деңгейде дайындалғаны анық байқалды. Бұл туралы SunqarNews.com ақпарат агенттігі хабарлады.
Астананың намысын «Арғымақ» ат-спорт кешенінің шабандоздары қорғады. Жарыс нәтижесінде елордалық команда 12 алтын, 10 күміс және 11 қола жүлдеге қол жеткізді. Жарыс үш жас санатына бөлінді: балалар, жасөспірімдер және ересектер. Балалар номинациясында алғаш рет халықаралық жарысқа қатысқан жас шабандоздар Қазақстанның намысын абыроймен қорғап шықты.
Бұған дейін де астаналық спортшылар гимнастикадан әлем кубогында қола жүлде жеңіп алған болатын.
