Батыс Қазақстан облысында лифтілердің тозығы жетіп, олардың пайдалану мерзімі 25 жылдан асқан. Бұл туралы облыстық энергетика және тұрғын үй-коммуналдық шаруашылық басқармасы басшысының орынбасары Қанат Өмірәлиев мәлімдеді. SunqarNews.com ақпарат агенттігі хабарлағандай, Орал қаласында 190 лифтінің 22,6%-ы, ал Ақсайда 40 лифтінің 17,2%-ы мерзімінен асып отыр.
Қанат Өмірәлиевтің айтуынша, әлеуметтік нысандарда да жағдай мәз емес: Оралда үш тозығы жеткен лифт тіркелсе, Ақсайда 16 лифт бар. 2023-2029 жылдарға арналған тұрғын үй-коммуналдық инфрақұрылымды дамыту тұжырымдамасы шеңберінде өткен жылы 879,2 млн теңгеге 26 жоба жүзеге асырылған. Оның ішінде 19 жоба шатырларды, төртеуі үйлерді, үшеуі лифтілерді күрделі жөндеуге бағытталған.
Биылғы жылы облыстық бюджеттен Орал мен Ақсайдағы 16 лифтіні жаңартуға 323,3 млн теңге бөлінді. Бұл жаңартулар нәтижесінде 1 291 адам қауіпсіз жаңа лифттерді пайдаланатын болады. Сонымен қатар, Ақсайдың аудандық бюджетінен 5 көпқабатты қауіпті лифтіні ауыстыру үшін 71,5 млн теңге қарастырылды.
Оралда әзір тұрған 3 жобаны (61,7 млн теңге) және Ақсайдағы 22 жобаны республикалық бюджет қарастырғанда жүзеге асыру жоспарлануда. Сонымен бірге, «Орал Құрылыс Жөндеу Сервис» ЖШС 11 жоба бойынша жобалық-сметалық құжаттаманы дайындау үстінде.
Бұдан бұрын Батыс Қазақстандағы тұрғын үй құрылысы жөнінде де ақпарат берілген болатын.
