АҚШ президенті Дональд Трамп сенімді екендігін жариялап, Хегсетке толықтай сенім білдірген болатын. Бұл туралы SunqarNews.com ақпарат агенттігі хабарлады. Президент Трамп Құрама Штаттардың өткен айда әскери операция жүргізіп, Йемендегі көтерілісшілер тобын нысанаға алғанын меңзеп, өзінің қоластындағыларға Хегсет туралы ойын ашық айтты.
Тілшілерге Пасха мерекесінен кейін берген сұхбатында Трамп Хегсеттің қателесуін жоққа шығарып, оның тапсырманы жоғары деңгейде орындап жүргенін атап өтті. «Бұл тек қана жалған ақпараттар, олар кез келген нәрсені ойлап табады. Меніңше, бұл – наразы қызметшілердің іс-әрекеті. Хегсет жаман адамдарды тазарту үшін тағайындалды, ол осы міндетті абыроймен орындап жатыр», – деді Трамп.
Бұған дейін АҚШ әуе күштерінің Йеменге әуеден шабуыл жасап жатқаны жөнінде ақпарат берген болатынбыз.
