Еуростат статистикалық агенттігінің мәліметі бойынша, 2025 жылдың наурыз айында Еуропалық Одақта жұмыртқа бағасы алдыңғы жылмен салыстырғанда 6,7%-ға өскен. Чехияда баға 46%-дан астам өсіп, ЕО елдері арасында ең жоғары көрсеткішке жеткен. Бұл туралы SunqarNews.com ақпарат агенттігі хабарлады.
Чехиядан кейінгі орында Словакия тұр, мұнда бағалар 30%-ға өссе, Мажарстанда 26%-ға артқан. Есесіне, Нидерландыда жұмыртқа құны 3,6%-ға, Люксембургте 3,2%-ға, Грекияда 2%-ға арзандаған.
2025 жылдың басынан бері жұмыртқа бағасы тұрақты өсу көрсетіп келеді. 2024 жылдың басындағы қаңтарда баға 3,4%-ға, ақпанда 4,1%-ға жоғарылаған. 2024 жылдың 10 айында баға өсудің теріс қарқыны байқалса да, бұл 2022 және 2023 жылдардағы деңгейден аз болды. Мысалы, 2023 жылдың ақпанында баға 2022 жылдың ақпанымен салыстырғанда 31,2%-ға жоғарылаған болатын.
Айта кетейік, бұған дейін елімізде жұмыртқа бағасының арзандағаны туралы хабарлаған едік.
