Алматы облысы Полиция департаментінің мәліметі бойынша, 21 сәуір күні Алматы-Бішкек автожолының 86-шақырымында жол апаты орын алды. Бұл туралы SunqarNews.com ақпарат агенттігі хабарлады. Оқиға барысында Land Rover Range Rover көлігін тізгіндеген 22 жастағы жүргізуші рульге ие бола алмай, көлік аударылып кетті. Салдарынан жүргізуші мен екі жолаушы оқиға орнында қайтыс болды, ал тағы бір адам ауруханада көз жұмды. Осы факті бойынша полиция қызметкерлері сотқа дейінгі тергеу жұмыстарын бастады.
Айта кетейік, бұған дейін Батыс Қазақстан облысында жол-көлік оқиғасы салдарынан екі жасөспірім қаза тапқан болатын. Сонымен қатар, Павлодар облысында да жол апатынан 4 адам өмірден өтті.
