Соңғы уақытта екі дөңгелекті көлік құралдарын, атап айтқанда мопед пен скутер жүргізушілері арасындағы заң бұзушылықтар жиілеп кетті. Бұл туралы SunqarNews.com ақпарат агенттігі хабарлады. Екі күн ішінде 360-тан астам құқық бұзушылық анықталды. Жүргізушілер мемлекеттік тіркеу нөмірінсіз, сақтандыру полисі мен жүргізуші куәлігінсіз көлік басқарған, жол белгілері мен бағдаршам талаптарын елемеген. Осы заң бұзушылықтар үшін 200-ден астам көлік арнайы айыппұл тұрағына қойылды.
Жетісу аудандық полиция басқармасының бастығы Жәнібек Шынасилов мопед пен скутер жүргізушілерінің жауапсыз әрекеттеріне жол бермеуге шақырды. «Жол қозғалысы ережелері баршаға ортақ міндет,» — деді ол. Аудандық полиция қызметкерлері қазір күшейтілген тәртіпте жұмыс істеуде. Олар күнделікті көшелерді аралап, мектептер маңында және аулаларда рейдтер жүргізіп жатыр.
