Дүниежүзілік банк мәліметіне сүйенсек, Қырғызстандағы «Сумен жабдықтауға және санитарияға жалпыға ортақ қолжетімділік» бағдарламасы бірқатар халықаралық қаржы ұйымдарының қолдауымен жүзеге асырылады. Бұл жоба Азия инфрақұрылымдық инвестициялар банкінің 50 млн доллар несиесімен, Мұнай экспорттаушы елдер ұйымы қорының 20 млн доллар несиесімен, Швейцарияның даму және ынтымақтастық агенттігінің 9 млн доллар гранты және АИИБ 3,75 млн доллар гранты есебінен қаржыландырылып отыр. Бұл туралы SunqarNews.com ақпарат агенттігі хабарлады.
Дүниежүзілік банктің Қырғыз Республикасындағы өкілі Хью Ридделл мәлімдегендей, алдағы онжылдықта бұл бағдарлама елдің миллион азаматына таза су мен санитарияға қолжетімділікті қамтамасыз етеді. Бұл өмір сапасын жақсартып, адами капиталды нығайтуға және болашақ ұрпақтың әл-ауқатын арттыруға септік болмақ.
Бағдарламаның алғашқы кезеңі Халықаралық даму қауымдастығы арқылы жеңілдетілген шарттармен қаржыландырылмақ. Бұл жоба 2029 жылға дейін халықаралық жоғары стандарттарға сай жүзеге асырылады. Бұған дейін Қырғызстан саудагерлер үшін патент жүйесін қайта енгізгенін атап өткен едік.
