Елордада масалар мен шіркейлерге қарсы дезинсекциялық жұмыстар жүйелі түрде жүргізілуде. Бұл шаралардың негізгі мақсаты – уақытша және тұрақты су қоймаларындағы дернәсілдердің даму кезеңдерін анықтап, оларды ерте сатысында жоюға бағытталған. Зерттеу барысында белсенді ізденіс жүргізіліп, су айдындарынан жәндіктердің жаппай көшуінің алдын алу үшін дезинсекция уақыттары белгіленеді. Бұл туралы SunqarNews.com ақпарат агенттігі хабарлады.
Қаладағы саябақтар, скверлер мен тұрғын алаптарда да тиісті шаралар қолға алынған. Елордалық мамандар алты кезеңдік дезинсекциялық жұмыстарды сәуір айынан қыркүйекке дейін, түнде сағат 21.00-ден таңғы 04.00-ге дейін жүргізеді. Осы кезеңде жергілікті тұрғындар мен қонақтардың сақтық шараларын ұстануы маңызды: дезинсекция жүргізілген аймақтарға бармау және үйдің терезелерін жабу қажет.
Дезинсекциялық шаралар жәндіктердің санын азайтуға бағытталған, өйткені олар табиғи экожүйенің маңызды бөлігі саналады. Қала аумағында дезинсекциялық жұмыс барысында механикалық роторлы бүріккіштер, арнайы жабдықталған қайықтар және квадрокоптерлер пайдаланылады. Сонымен қатар, су айдындарындағы дернәсілдік кезеңмен күресу үшін фауна мен флораға қауіпсіз биологиялық препараттар қолданылады.
Бұл ауқымды шараларға басқарушы компаниялар, ПИК, МИБ, білім беру, денсаулық сақтау және сауда нысандары да атсалысуы қажет. Олар жертөле және басқа да үй-жайларды құрғатып, тиісті дезинсекциялық өңдеулерді бірге жүргізуі тиіс. Айта кетейік, Астанада жылыту маусымы аяқталды.
