Қазақстандық теннисшілер турнирге екінші айналымнан қосылады. Бұл туралы SunqarNews.com ақпарат агенттігі хабарлады. Қазақстанның үздік теннисшісі Елена Рыбакина әлемнің 43-ракеткасы америкалық Маккартни Кесслер немесе 130-орында тұрған канадалық Бьянка Андреескудің бірімен кездесетін болады. Ал Юлия Путинцева аустралиялық Айла Томляновичпен немесе іріктеу кезеңінің жеңімпаздарының бірімен сынға түседі.
Өткен жылы Рыбакина ширек финалда Путинцевадан басым түссе де, жартылай финалда беларуссиялық Арина Соболенкоға жол берген болатын. Бұл финалда Польша өкілі Ига Швентек Соболенконы жеңіп, чемпион атанды.
Еске салсақ, бұған дейін Жібек Құламбаеваның Мадрид турнирінің чемпионы болғаны туралы хабарлаған едік.
