Павлодар қаласынан Астанаға бағытталған жаңа автокөлік көпірінің құрылысы Ертіс өзені үстінен жалғасуда. Жобаның жалпы ұзындығы 691 метрді құрап, заманауи технологиялар қолданылған төрт жолақты көпір 2027 жылға дейін пайдалануға беріледі деп жоспарлануда. Бұл туралы SunqarNews.com ақпарат агенттігі хабарлады.
«ҚазАвтоЖол» АҚ Павлодар облыстық филиалының директорының орынбасары Алмат Шойынбаевтың мәлімдеуінше, жаңа көпір іске қосылғаннан кейін ескі автокөлік көпірі бұзылып, оның қалдықтарын тасымалдау жұмыстары шамамен 14 айға созылады. Аталған ескі көпірдің қолданысқа берілгеніне 60 жылдан асып, жаяу жүргіншілер үшін де қауіпті болғандықтан, оны әрі қарай пайдалануға болмайды.
Жоспарға сәйкес, көпірдің құрылысына 71,6 млрд теңге бөлініп, жұмыстар тиісті қарқында өтіп жатыр. Айта кетейік, Өскемен қаласында да Ертіс өзені арқылы өтетін жаңа көпірдің жобасы әзірленуде.
