Шымкент қаласы денсаулық сақтау басқармасының мәліметіне сәйкес, Шымкент әкімінің орынбасары Руслан Берденов есін жиды. Оның жағдайы тұрақты, бірақ әлі де ауыр қалыпта. Қазіргі уақытта қала клиникасында дәрігерлердің бақылауында екені айтылады. Бұл туралы SunqarNews.com ақпарат агенттігі хабарлады.
Кеше Руслан Берденовке қастандық жасалып, оған үш рет оқ атылған болатын. Салдарынан әкімдік қызметкері жарақаттанып, дереу ауруханаға жеткізілген. Бүгін дәрігерлер Берденовтің өміріне қауіп төніп тұрмағанын және жасалған ота сәтті өткенін мәлімдеді.
