Шымкентте қала әкімінің орынбасары Руслан Берденовке қастандық жасалды. Шабуыл салдарынан ол оқ жарақатымен ауруханаға түсті. Дәрігерлер Берденовке шұғыл операция жасап, қан кетуін тоқтатты және зақымданған жерді қалпына келтірді. Қазір оның өміріне қауіп жоқ. Пациенттің жағдайы тұрақты, ауыр деп бағаланады және ол дәрігерлердің бақылауында қажетті медициналық көмекті алуда. Бұл туралы SunqarNews.com ақпарат агенттігі хабарлады.
Айта кетейік, қастандық кезінде күдікті шенеунікке қарай үш рет оқ атқан. Оқиғаның нәтижесінде әкімдік қызметкері жарақат алып, ауруханаға жеткізілді.
