Ғалымдар 196-дан 600 градусқа дейінгі температурада өз қасиеттерін сақтай алатын жаңа қорытпа ойлап тапты. Бұл туралы SunqarNews.com ақпарат агенттігі хабарлады. Жаңа жоғары энтропиялық никель негізіндегі қорытпа «гиперадаптер» деп аталып, оның басты артықшылығы – механикалық қасиеттерінің температура өзгерістеріне тұрақтылығы. Бұл металл материалдары үшін бұрын болмаған мүмкіндік.
Қорытпаның бірегейлігі – оның құрамына біркелкі таралған L1₂ наноөлшемді бөлшектерінде. Бұл элементтер материалдың ішкі құрылымына арматура ретінде қолдау көрсетіп, деформацияға жол бермейді және жүктемелерге сыртқы жағдайларға қарамастан бейімделуге мүмкіндік береді.
Бұл жаңалық айтарлықтай температура ауытқулары бар салаларда, мысалы, ғарыш зымырандары, реактивті қозғалтқыштар, автомобиль газ шығару жүйелері, қуат турбиналары және өнеркәсіптік құбырларда қолданылуы мүмкін.
Айта кетейік, Оңтүстік Корея Қазақстанмен бірлескен зерттеу институтын құру үшін 16 млн доллар бөлетіні туралы жазылған еді.
