Ақтөбе қаласының № 2 сотында «Жилище» тұрғын үй-құрылыс кооперативінің басшысы Нұрлан Каусовқа қатысты үкім жарияланды. Бұл туралы SunqarNews.com ақпарат агенттігі хабарлады. Каусовқа Қылмыстық кодекстің «Алаяқтық» бабы бойынша айып тағылып, ол 6 жылға бас бостандығынан айырылды. Сонымен қатар, ол 3 жыл мерзімге басшылық қызмет атқару құқығынан да айырылды. 75 азаматтық талап қоюшының материалдық шығынды өтеу туралы арыздары азаматтық іс жүргізу тәртібімен қаралатын болады. Сот үкімі әлі заңды күшіне енген жоқ, деп хабарлады Ақтөбе қаласының № 2 сотының баспасөз қызметі.
Еске салсақ, Нұрлан Каусов 421,9 миллион теңгені заңсыз иемденіп, қажетіне жұмсағаны үшін айыпталған еді. Ол тек 5 қабатты екі үйдің жертөлесі мен іргетасын қалаумен шектелген.
