Белгілі суретші, мүсінші және қоғам қайраткері Зураб Церетелидің өмірден озғанын оның көмекшісі Сергей Шагулашвили мәлімдеді. Оның айтуынша, суретшінің қайтыс болуы жүрек тоқтап қалуымен байланысты. Бұл туралы SunqarNews.com ақпарат агенттігі хабарлады.
Сергей Шагулашвилидің сөзіне қарағанда, Зураб Константинович түнгі бір жарымда бақилық болды, қазір оны соңғы сапарға шығарып салу рәсімі қашан өтетінін анықталуда.
Зураб Церетели — әйгілі суретші және мүсінші, Кеңес Одағының, Грузияның және Ресей Федерациясының халық суретшісі, сондай-ақ Ресей көркемдік академиясының президенті. Ол Тбилисиде дүниеге келген және көптеген көркем жобаларды басқарған. 1970-1980 жылдары КСРО Сыртқы істер министрлігінің бас суретшісі, 1980 жылғы Мәскеу Олимпиадасының басты суретшісі, 1995 жылғы Поклонная төбесіндегі мемориалдық кешеннің көркем жетекшісі болды. Оның шығармалары Мәскеу, Ресей және көптеген шетел мемлекеттерінің қоғамдық орындарын көркемдеп тұр.
Айта кетейік, бұған дейін Қазақстан Президенті жазушы және Қазақстанның Еңбек Ері Әкім Таразидің дүниеден өтуіне байланысты көңіл айту жеделхатын жолдаған болатын.
