Орал қаласында Ұлы Жеңістің 80 жылдығына арналған әскери жәдігерлер көрмесі өтті. Көрмеге Ұлы Отан соғысы кезінде қолданылған әскери техника, түрлі жәдігерлер мен фотосуреттер қойылды. Келушілерге соғыс тарихы мен батырларымыздың ерліктері жайлы ақпарат ұсынылды. Бұл туралы SunqarNews.com ақпарат агенттігі хабарлады.
Іс-шараға Қазақстанның инновациялық және телекоммуникациялық жүйелер университетінің құрылтайшысы А. Әйтімов, «Генералдар кеңесі» президиумының төрағасы, генерал-лейтенант Б. Сарсеков, БҚО қоғамдық даму басқармасы басшысының орынбасары Г. Шукеева және басқа да танымал тұлғалар қатысты. Олар Ұлы Жеңістің тарихи маңыздылығын және батырлардың ерліктерін еске алды.
Сонымен қатар, өнерпаздар әскери-патриоттық композициялар орындап, қоян-қолтық ұрыстың көріністерін көрсетті. Іс-шараның соңында қатысушыларға дәстүрлі солдат кашасы ұсынылды. Айта кетейік, Жеңіс парадына қатысушылардың отбасылары да әскерилерге тосынсыйлар жасады.
