Шымкент қаласында орын алған қарулы шабуылға байланысты кәсіпкер өз көзқарасын білдірді. Қала әкімінің орынбасары Руслан Берденовке жасалған шабуылдың себебі құрылыс саласындағы тәртіпті қалпына келтіру әрекетімен байланысты болуы мүмкін деген пікір білдірді. Бұл туралы SunqarNews.com ақпарат агенттігі хабарлады.
Кәсіпкердің айтуынша, оқ атқан адам Русланның қарамағында жұмыс істеген, әкімдікке қарасты ЖШС басшысы болған және жуырда жұмыстан босатылған. Ол адамдардың өкпесі мен бауырына зақым келгенін, бірақ болашақта жақсаратынын атап өтті.
Бұған дейін Шымкентте қала әкімінің орынбасары Руслан Берденовке қастандық жасалғаны туралы хабар тарады. Алдын ала мәлімет бойынша, күдікті шенеунікке қарай үш рет оқ атқан, салдарынан әкімдік қызметкері жарақат алып, ауруханаға жеткізілген.
Қазіргі уақытта Шымкент полициясы қылмыстық іс қозғады және тергеу амалдарын жүргізуде.
