Өткен аптада Гарвард университеті Дональд Трамп әкімшілігінің әртүрлілік, теңдік және инклюзивтілік (DEI) саясатымен байланысты бағдарламаларын тоқтату және кампус аумағында маска тағуға тыйым салу талаптарын қабылдамады. Бұл туралы SunqarNews.com ақпарат агенттігі хабарлады.
Осыған орай, билік университетке федералды қаржыландыруды қысқартып, бұрын бөлінген 9 миллиард доллардан 2,2 миллиард долларға азайтып, салық жеңілдіктері мен шетелдік студенттерді қабылдау мүмкіндігінен айыратындығын ескертті. Дональд Трамп президенттік мерзімінің басынан бері білім ошақтарындағы солшыл идеология және антисемитизммен күрес жүргізіп келеді. Ол Газадағы қақтығыс басталғалы университеттердегі Израильге қарсы наразылықтарды осындай үрдістердің нәтижесі деп есептейді.
Тиісті талаптар Принстон және Колумбия университеттеріне де қойылды. Алайда, бұл әрекеттерге алғаш болып сотқа шағым түсірген Гарвард болды. АҚШ бұған дейін Гарвардқа бөлінетін 2,2 миллиард доллар көлеміндегі мемлекеттік қаржыландыруды тоқтату туралы жариялаған еді. Сонымен қатар, Трамп Гарвардқа бөлінген 1 миллиард доллар қаржыны кері қайтару ниетін білдірген болатын.
