«Алаяқтық қылмыстарына байланысты жаңа мәліметтер жарияланды. Заңгерлердің айтуынша, ‘дропперлер’ деп аталатын қарақшылар алынған заңсыз ақшаны негізгі қылмыскерлерге өз шоттары арқылы жібереді немесе банк карталарын қолдануға береді. Нәтижесінде, шынайы қылмыскерлердің ізі жасырылады. Бұл туралы SunqarNews.com ақпарат агенттігі хабарлады.
Прокуратураның үйлестіруімен құқық қорғау органдары жәбірленушілерге Азаматтық кодекстің 953-бабына сәйкес, ‘дропперлерден’ негізсіз баюға қатысты ақшаны қайтару жолдарын түсіндіруде. Мәселен, алаяқтар 26 млн теңге көлеміндегі ақшаны алдап иемденген, оның ішінде 15,4 млн теңге ‘дроппер’ шотына аударылды. Жәбірленуші сотқа талап арыз түсіріп, талап-арызы қанағаттандырылды.
Өткен жылы облыста сот 69 млн теңгеге 42 талап-арызды қанағаттандырса, биыл 28,3 млн теңгеге 13 талап-арыз қанағаттандырылды. Прокуратураның мәліметінше, ‘дропперлердің’ алаяқтыққа қатысы бар екені дәлелденсе, олар қылмыстық жауапкершілікке тартылады. Ұлытау облысының прокуратурасы азаматтарға күмәнді табыс көздерінен және жеке деректерді таратуға қатысты сақ болуды ескертеді.
Айта кетейік, бұған дейін Шымкент тұрғыны виртуалды нөмірлерді қолданып, алаяқтықпен айналысқаны туралы ақпарат жариялаған болатынбыз.»
