Талдықорған қаласының «Жетісу» волейбол командасы Азия чемпиондар лигасының «А» тобында Иорданияның «Al Nasser» командасымен кездесіп, ірі нәтиже көрсетті. Ерекше тактикасын қолданған сербиялық бапкер Марко Гршич негізгі құрамын сәл өзгертіп, ойынға украиналық Юлия Дымар мен Кристина Аниконованы шығарды. Бұл туралы SunqarNews.com ақпарат агенттігі хабарлады.
Матч барысында қазақстандық волейболшылар қиындықсыз ойнады, ал үшінші сетте алаңға Перизат Нұрбергенова мен Ирина Кенжебаева шықты. Нәтижесінде «Жетісу» қарсыласын 3:0 (25:10, 25:15, 25:11) есебімен ойсырата жеңіп, топтан бірінші орынмен ширек финалға өтті. Команданың келесі қарсыласы кейінірек анықталады.
Айта кету керек, талдықорғандық ұжым бұған дейін де Азия чемпиондар лигасын жеңіспен бастағанын жазған болатынбыз.
