Облыстық полиция департаментінің ұйымдасқан қылмысқа қарсы күрес басқармасы қарағай көшеттерін ұрлап келген қылмыстық топты ұстады. Бұл туралы SunqarNews.com ақпарат агенттігі хабарлады. Қылмыстық топ құрамына жергілікті тұрғындар мен «Семей орманы» мемлекеттік табиғи резерватының бұрынғы қызметкерлері кірген. Ішкі істер министрлігінің жүргізген шаралары нәтижесінде Павлодар облысында 38 жастағы ұйымдастырушы мен оның сыбайластары қолға түсті. Барлығы қамауға алынды.
Жалпы, 260 мыңнан астам көшет тәркіленіп, олардың құны 500 миллион теңгеден асып жығылады. ІІМ мәліметінше, орман қорын заңсыз кесу және ұрлау ел экологиясына үлкен зиян келтіреді. Бұған дейін Абай облысында 753,1 мың гектарға ауыл шаруашылығы дақылдары егілгені жайлы ақпарат бергенбіз.
