Қазақстан баскетболының даму мәселелері талқыланды
Қазақстан Баскетбол ұлттық федерациясының президенті Абай Алпамысовтың қатысуымен өткен іс-шарада Қазақстандағы баскетболдың қазіргі даму деңгейі мен ұлттық құрамалардың дайындығы, сонымен қатар 3х3 баскетболының перспективасы талқыланды. Кездесу барысында 2028 жылы Лос-Анджелесте өтетін Олимпиада ойындарына ерекше көңіл бөлінді. Бұл туралы SunqarNews.com ақпарат агенттігі хабарлады.
Жиында қазақстандық мамандар мен төрешілердің халықаралық турнирлерге қатысу мүмкіндігі және олимпиадалық ынтымақтастық арқылы жаттықтырушылар мен спорт менеджерлеріне арналған оқу бағдарламаларының дамуы сөз болды.
FIBA Бас хатшысы Андреас Загклис аймақтағы баскетболды дамыту әлеуетін жоғары бағалап, институционалдық өсудің маңыздылығына тоқталды. Ол FIBA тарапынан қазақстандық спорттық бастамаларды қолдауға дайын екенін мәлімдеді. Сонымен қатар, Лос-Анджелес-2028 Олимпиадасы қарсаңында ұлттық құрамаларды қолдауға бағытталған FIBA-ның жаңа бағдарламалары жайлы да сөз болды.
Бұған дейін Қазақстан ҰОК президентінің Регби федерациясының басшысымен кездесу өткізгені хабарланған еді.
