Ләззат Бердібаева, Құдайберген Жұбанов атындағы ауылдық округтің әкімі, гүл ұстап түскен фотосы әлеуметтік желілерде таралып, қызу талқыға түсті. Қазіргі уақытта полиция бұл гүлдің Қызыл кітапқа енген-енбегенін анықтап жатыр. Бұл туралы SunqarNews.com ақпарат агенттігі хабарлады.
Облыстық полиция департаментінің баспасөз жетекшісі Ерболат Сарқұловтың айтуынша, тексеру нәтижесінде гүлдің Қызыл кітапқа енген түрі анықталса, құқықтық баға беріледі.
Мұғалжар ауданының әкімі Дархан Ермағамбетов бұл жағдайға байланысты арнайы комиссия құрылғанын мәлімдеді. Комиссия құрамында Ақтөбе облысы бойынша Мемлекеттік қызмет істері агенттігінің өкілі мен аудандық полиция бөлімінің өкілі бар. Бердібаева гүлді қыздары жұлып әкелгенін, суретті WhatsApp статусына қойғанын айтып түсіндіруде.
Еске сала кетсек, Түркістан облысында қызғалдақ жұлған тұрғынға қарсы қылмыстық іс қозғалған болатын.
