Қазақстанның футбол біріншілігінің екінші туры қызықты әрі әсерлі нәтижелерімен ерекшеленді. «Тұран-Томирис» (Түркістан) «Оқжетпес» (Көкшетау) командасын 18:0 есебімен ойсырата жеңіп, биылғы маусымның рекордын жаңартты. Бұл туралы SunqarNews.com ақпарат агенттігі хабарлады.
Айтулы турда «Астана» шымкенттік БИИК-ты 0:9 есебімен қабылдаса, «Ақтөбе» қызылордалық «Қайсарды» 8:0 есебімен ойсырата жеңді.
Екінші турда өзге де тартысты кездесулер өтті: «Қызылжар» (Петропавл) «Ұлытау» (Жезқазған) командасын 1:0 есебімен жеңсе, «Қайрат» (Алматы) «Елімайдан» (Семей) 0:2 нәтижесінде жеңіліске ұшырады. «Жеңіс» (Астана) «Жетісуды» (Талдықорған) 2:0 есебімен тізе бүктірсе, «Атырау» мен «Тобыл» (Қостанай) 1:1 тең тарқасты.
Осы турдан кейін турнир кестесінің көшбасында БИИК пен «Ақтөбе» тұр, ал «Тұран-Томирис» төрт ұпаймен үздік үштікті қорытындылап отыр. Футбол ережелеріне сәйкес, әр командада кем дегенде 13 қазақстандық футбол мектебінің түлегі болуы қажет, бұл талап 2009 жылы және одан ерте дүниеге келген футболшыларға қатысты.
