Рим Папасы Францисктің денсаулығына байланысты 900 жылдық тарихы бар «Папалардың пайғамбарлығы» атты кітапқа қызығушылық арта түсті. Бұл кітапта Қасиетті Малакей архиепископтың пайғамбарлығы бойынша Қиямет күні 2027 жылы болады деп болжанған. Бұл туралы SunqarNews.com ақпарат агенттігі хабарлады.
Қиямет күні, яғни Иса Мәсіхтің екінші келуі, жер бетіне оралып, адамзатты соттап, Жер мен Аспанды жояды деп сипатталған. Ирландиялық епископ Әулие Малакейдің 12-ғасырдағы кітабында бұл күннің 2027 жылы болатыны айтылған.
Ватиканның құпия мұрағатында сақтаулы «Папалардың пайғамбарлығы» кітабын 1590 жылы Бенедикттік монах Арнольд Вион тапқан. Бұл кітаптағы пайғамбарлық Папа Францисктің денсаулығына қатысты болып отыр. 88 жастағы Папа екі жақты пневмониядан емделіп, ауруханада бір ай болды.
Кітапта латын тіліндегі 112 жұмбақ тараулар бар, онда Келестин II-ден бастап қазіргі шіркеу басшысына дейінгі папалар болжанған. Бір тараудағы «Белгінің ортасындағы ось» сөз тіркесі Папа Сикст V-ке арналған. Ол алғашқы Пападан кейін 442 жыл өткен соң билікке келіп, осыдан кейін 442 жыл өтіп, 2027 жылы ақырзаман болады деген болжам жасалған.
Кітаптың соңғы бөлігі «Қасиетті Рим шіркеуінің соңғы қудалауында көптеген қиындықтар ішінде халқына қамқорлық жасайтын Римдік Петр билік етеді, содан кейін жеті төбелі қала жойылады, қорқынышты Сот халықты соттайды. Соңы» деп аяқталады. Бұл Папа Франциск жайлы келесі Папа болып Римдік Петрдің тағайындалатынын, ал Римнің жеті төбелі қаласының жойылатынын болжайды.
Ғылыми қауымдастық бұл мәтінді сынайды, оны саяси мақсатта жасалған жалған құжат деп санайды. Сонымен қатар, Киелі кітапта екінші келудің нақты уақытын болжаудан сақ болу керектігі ескертілген. Сондықтан, күнтізбеңізді әзірге шығармай-ақ қойыңыз.
