Қасым-Жомарт Тоқаев пен Гурбангулы Бердімұхамедов Түркістанда қала аумағындағы 27 гектар жерді қамтитын тарихи ескерткіштің музейге айналдырылуы барысымен танысты. Бұл туралы SunqarNews.com ақпарат агенттігі хабарлады.
Екі ел басшылары жақында ашылатын «Қолөнершілер қалашығының» тұжырымдамасымен де танысты. Мұнда шеберханалар, ұлттық тағамдар ұсынатын орындар, «Шығыс базары», шағын қонақ үйлер орналасады. Биыл 25 наурызда Түркістанға World Craft Council халықаралық ұйымы тарабынан «Қолөнершілер қаласы» мәртебесі берілгенін атап өту керек.
Сонымен қатар Қазақстан Президенті мен Түрікменстанның көшбасшысы Қожа Ахмет Ясауи кесенесіндегі ерекше тарихи жәдігерлермен танысу мүмкіндігіне ие болды.
