KASE қор нарығындағы күндізгі сауданың қорытындысы бойынша, доллар бағамы 3,15 теңгеге арзандады. Нәтижесінде, 1 АҚШ долларының орташа бағамы 518,07 теңгені құрады. Бұл туралы SunqarNews.com ақпарат агенттігі хабарлады.
Kurs.kz деректеріне сүйенсек, Алматыдағы ақша айырбастау пункттерінде 1 доллар 521 теңгеден сатылып, 518 теңгеден сатып алынуда. Еуро бағамы 595 пен 600 теңге аралығында өзгеріп жатыр. Астанада доллардың сату бағамы 522 теңге болса, сатып алу бағасы 516 теңге. Еуро 592 теңгеден сатып алынып, 599,7 теңгеден сатылуда.
Ақша айырбастау орындарында Ресей рублі 6,27-6,42 теңге аралығында саудалануда. Ұлттық банк 22 сәуірге арналған ресми бағамды белгіледі: 1 доллар 521,53 теңге, ал Ресей рублі 6,43 теңге тұрады. Еуроның ресми бағамы 601,01 теңге.
Бұған дейін Тимур Сүлейменов базалық мөлшерлеменің кез келген уақытта өзгеруі мүмкін екенін мәлімдеген болатын. Сонымен қатар, қазақстандық экономистер теңгенің нығаюына мүмкіндік бар екенін айтты.
