Сальвадор президенті Наиб Букеле Венесуэла президенті Николас Мадуроға әлеуметтік желі арқылы ашық хат жолдады. Онда ол Сальвадорға депортацияланған 252 венесуэлалықтың барлығын қайтаруды көздейтін гуманитарлық келісімді ұсынды. Бұл келісім сәтті жүзеге асырылса, Букеле Мадуроның қол астында отырған 252 саяси тұтқынды босатуды сұрайды. Бұл туралы SunqarNews.com ақпарат агенттігі хабарлады.
АҚШ көктемнен бері Венесуэла мен Сальвадор азаматтарын, олардың Tren de Aragua және MS-13 бандаларымен байланысы бар деген айыппен, Сальвадорға депортациялады. Бұл тұрғыда Букеле АҚШ-пен бірігіп, қамауға алынған венесуэлалықтарды уақытша Сальвадорда ұстауға келісті. Венесуэланың бас прокуроры бұл азаматтардың көпшілігіне ешқандай айып тағылмағанын айтып, оларды дереу босатуды талап етті.
Наиб Букеле өзі басқаратын елде саяси тұтқындардың жоқтығын мәлімдеп, алдымен Венесуэладағы саяси жағдайлар нәтижесінде қамауға алынған бірнеше адамды босатуды сұрады. Сонымен қатар, Букеле Венесуэлада ұсталған басқа елдердің азаматтарын, олардың ішінде АҚШ, Германия және Франция тәрізді мемлекеттерден келген шамамен 50 адамды да босату қажеттігін жеткізді.
Венесуэлалық «Foro Penal» құқық қорғау ұйымының мәліметінше, елде 68 шетелдік төлқұжат иесі және 900-ден астам венесуэлалық саяси тұтқын заңсыз қамауда отыр. Еске салсақ, жақында ХАМАС Израиль Газа секторына шабуылын тоқтатқан жағдайда барлық тұтқынды босатуға дайын екенін мәлімдеген болатын.
