KASE қор нарығында доллардың бағамы 0,6 теңгеге арзандап, орташа көрсеткіші 521,53 теңгені құрады. Бұл туралы SunqarNews.com ақпарат агенттігі хабарлады. Kurs.kz мәліметіне сенсек, қазіргі уақытта Алматыдағы айырбастау пунктерінде доллар 522 теңгеден сатылып, 520 теңгеден сатып алынуда. Ал еуро бағамы 596 мен 602 теңге аралығында құбылып тұр. Астанада долларды 524 теңгеден сатып, 518 теңгеден сатып алуға болады, ал еуро 595 теңгеге сатып алынып, 605 теңгеге сатылуда. Ресей рублі 6,29-6,45 теңге аралығында саудалануда.
Ұлттық банктің 21 сәуірге берген ресми мәліметі бойынша, доллардың бағамы 521,9 теңге, ал ресейлік рубльдің орташа құны 6,39 теңге, еуро 593,5 теңге болды. Бұдан бұрын Тимур Сүлейменов кез келген уақытта базалық мөлшерлеменің өзгеруі мүмкін екенін мәлімдеген еді. Қазақстандық экономистер теңгенің нығаюы мүмкін деген болжам жасап отыр.
